Póstowy program Thunderbird hornjoserbsce

Što je Thunderbird?

Thunderbird je samostatny pendant k póstowemu klientej wobsahowanemu w programowej suiće SeaMonkey. Je přihódny za ludźi, kotrež chcedźa radšo za wobhladowak resp. póstowy klient dźělene programy wužiwać. Thunderbird je tuž jako wudospołnjenje za wobhladowak Mozilla Firefox mysleny.

Thunderbird je so prěnjotnje wot Mozilla pod mjenjom Mozilla Thunderbird wuwiwał, je pak zhromadźenstwu angažowanych wužiwarjow dalewuwiće přepodał. Mozilla najebać toho tute zhromadźenstwo při jeho dźěle za Thunderbird podpěruje.

Tuta hornjoserbska wersija 68.1.0 je prěnja wersija, kotraž je oficielna, to rěka, wozjewja so na oficielnych stronach Mozilla. Ale stawizny přełožkow Thunderbird do hornjoserbšćiny je wo wjele starše - prěni přełožk je hižo w lěće 2005 wušoł.

Oficielne webowe sydło za Thunderbird je http://www.mozilla.org/products/thunderbird/. Jeli chceće sej němsce informować, wobhladajće sej wotpowědne němske webowe sydło http://www.thunderbird-mail.de. Tam namakaće tež němsku wersiju Thunderbirda a móžeće přidatnje hornjoserbski rěčny pakćik wužiwać, hlej Rěčny pakćik instalować.

Thunderbird je za wšelake dźěłowe systemy (Windows 32, Linux 32 a 64 a Mac OS X) a rěče. Dokładny přehlad namakaće na oficielnej sćehnjenskej stronje Thunderbird (jendźelsce).