Kedźbu: Thunderbird 68.1.0 je wušoł.

Hornjoserbski rěčny pakćik instalować

  1. Thunderbird sćahnyć

    2. Zo byšće serbskorěčnu wersiju Thunderbird dóstali, dyrbiće dwě sćehnjeni přewjesć. Jedne sćehnjenje za programowe dataje Thunderbirda (poprawom jendźelska wersija za ZSA).

    • Programowe dataje sćahnyć

    Jendźelske programowe dataje wersije Thunderbird 68.1.0 namakaće pod tutej adresu (zapisk English (US)). Móžeće wězo hornjoserbski rěčny pakćik tež do němskorěčneho Thunderbird instalować (zapisk German).

    • Serbskorěčne dataje sćahnyć

    Hornjoserbski rěčny pakćik hsb.xpi namakaće na tutej stronje.

  2. Hornjoserbski rěčny pakćik instalować

    3. Po tym zo sće programowe dataje programa Thunderbird (hlej horjeka) a dataje serbskorěčneho pakćika sćahnyli a program Thunderbird instalowali, móžeće nětko serbski rěčny pakćik instalować.

    Kedźbu: Čisle wersije programowych datajow a přisłušneho rěčneho pakćika dyrbitej jenakej być.

    Na př. za Thunderbird wersiju 68.1.0 trjebaće tež rěčny pakćik wersije 68.1.0.

    Maće dwě móžnosći instalacije: Klikńće na symbol z třomi hrjadami horjeka na wobrazowce a wubjerće zapisk Add-ons. W slědowacym woknje klikńće na Erweiterungen a tam na symbol ze zubatym koleskom a potom wubjerće Add-on aus Datei installieren.... Dźiće do rjadowaka, do kotrehož sće hsb.xpi sćahnył, wubjerće tutu dataju a wočińće dataju z kliknjenjom na tłóčatko Öffnen.

    Klikńće potom na tłóčatko Jetzt installieren (z Abbrechen móžeće přetorhnyć) a sćěhujće instalaciju, doniž njeje zakónčena. Skónčnje widźice nowu kategoriju Sprachen w zrjadowaku přidatkow, hdźež je nowy hornjoserbski rěčny pakćik zapisany.

    Druha móžnosć je: Klikńće z prawej tastu myški na městno symboloweje lajsty a potom na Menüleiste, zo byšće menijowu lajstu pokazał. Dźiće potom do menija Extras a wubjerće zapisk Add-ons. Klikńće zaso na Erweiterungen atd.

  3. Hornjoserbski pakćik aktiwizować

    4. Po instalaciji rěčneho pakćika je Thunderbird hišće němsce, hdyž hornjoserbski pakćik do němskeho Thunderbirda instalujeće. Zo byšće hornjoserbski pakćik aktiwizował, maće dwě móžnosći: Klikńće na symbol z třomi hrjadami, wubjerće Einstellungen --> Erweitert --> Konfiguration bearbeiten... Wobkrućće warnowanje a zapodajće wuraz general.useragent.locale w polu Suchen: do wokna nastajenjow. Klikńće z prawej tastu na tutón zapisk a wubjerće z kontekstoweho menija Bearbeiten a změńce de do hsb. Začińće tute wokno přez kliknjenje na a wopušćće konfiguraciske nastajenja. Startujće Thunderbird znowa a waš Thunderbird budźe potom hornjoserbsce.

    Druha móžnosć wjedźe přez meni Extras --> Einstellungen město přez symbol z třomi hrjadami.

    Třeća móžnosć je rozšěrjenje Simple Locale Switcher, z kotrymž móžeće cyle lochko mjez wjacorymi rěčemi přepinać. Tute rozšěrjenje je wězo tež hornjoserbsce.

  4. Protykowu komponentu (Lightning) zeserbšćić

    5. Thunderbird 68.1.0 je prěnja programowa wersija, kotraž protykowu komponentu wobsahuje, rozšěrjenje Lightning. Lightning je z jedneje strony integrowany dźěl programa Thunderbird, z druheje strony je najebać toho wosebite rozšěrjenje. To wjedźe k tomu, zo Lightning je hornjoserbsce, jeli kompletnu hornjoserbsku wersiju Thunderbird wužiwaće. Chceće wšak Thunderbird z rěčnym pakćikom zeserbšćić, dyrbiće Lightning přidatnje instalować:

    https://addons.mozilla.org/de/thunderbird/addon/lightning/

    Hakle po tym maja tež tući wužiwarjo hornjoserbsku protyku w Thunderbird.